Showing posts with label அனுபவம். Show all posts
Showing posts with label அனுபவம். Show all posts

Saturday, June 16, 2012

இரயில்


இரயில் எனக்கொன்றும் புதிதல்ல. இரயில் ரோட்டிற்கும் எங்கள் வீட்டிற்கும் 100அடி தொலைவுதான், எனக்கு தெரியாமல் அதில் எந்த இரயிலும் போனதில்லை. ஆனாலும் நான் ஒருமுறை கூட இரயிலில் ஏறியதில்லை, ஏன் நின்றுகொன்டிருக்கும் இரயிலை கூட பார்த்ததில்லை. சிறுவயதிலிருந்தே இரயிலும் இரயில் சார்ந்த ஒரு ஆறாவது திணையுடன் தான் விளையாடிஇருக்கிறேன். இதில் போகும் எல்லா இரயிலும் ரொம்ப தூரம் செல்லும் என்றும், சிலர் டெல்லிக்கு செல்கிறதென்றும் சொல்ல கேட்டிருக்கிறேன். இரயில் பெட்டிகளை எண்ணுவது எங்களுக்குள் விளையாட்டு. சரக்கு இரயில் என்றால் சின்ன சின்ன பெட்டிகளாய் அதிகம் இருக்கும். பயணிகள் இரயில் என்றால் டாட்டா சொல்வதுன்டு. நமக்கு டாடா வைப்பதெற்கென்றெ படியில் நின்று செல்கிறார்கள் என்று எங்களுக்குள் சொல்லிக்கொள்வொம். இரயில் என்றாலே ஒரு கம்பீரம், அதை பற்றி பேசும்போது பெருமை பொங்கும்.

பள்ளி படிப்பு, கல்லூரி படிப்பு என எல்லாம் முடிந்து வேலை தேடும் படலம், கழுதை கெட்ட குட்டிசெவரு, நான் மட்டும் விதிவிலக்கா என்ன? சென்னை முதன் முதலாக இரயிலில் போகிறேன், இருபது வருடங்களாய் பார்த்து இரசித்த இரயில், வேலை தெடுவதையோ, சென்னை பற்றியோ இல்லாமல் இரயிலை பற்றியே என் நினைவு.
டிக்கெட் வாங்கி, ஜெனரல் கம்பார்ட்மென்டில் ஏறினால் அங்கே நிற்பதற்கு கூட இடமில்லாமல் கூட்டம், நெறிக்கியடித்து கழிவறை பக்கத்தில் நின்று கொண்டே சென்னை வந்தேன்.

இப்போது இரயிலை நினைத்தாலே கழிவறை நெடியடிக்கிறது.
அடுத்த வாரம் ஊருக்கு போகிறேன் பஸ்ஸில்.

Friday, November 4, 2011

குழந்தைத்தனமா? புத்திசாலிதனமா?



குழந்தைகளோ இல்ல சின்ன பசங்களோ பன்ற சில விஷயங்கள் நமக்கு ஆச்சர்யமா இருக்கும். எப்படிடா இப்படியெல்லாம் யோசிக்குதுங்கற வியப்படைஞ்ச நிகழ்ச்சி எல்லொருக்கும் இருக்கும். அதுல ஒன்னுதான் இது.

எங்க பக்கத்துவீட்டு பசங்க, பெரியவன் அபி 10 வயசு, சின்ன பையன் நிஷி 6 வயசு. நான் வீட்ல எப்பவுமே சும்மா இருந்தாலும் அவனுங்க பிஸியா இல்லாயாத சமயம் அவனுங்களுக்கு நானும் எனக்கு அவனுங்களும் பொழுதுபோக்கு.
அன்னிக்கும் அப்படிதான் அவனுங்களோட சேர்ந்து சுட்டி டீவி பாத்துகிட்டு இருந்தேன். இதப்பாத்த எங்கப்பா எல்லோருட அப்பா மாதிரியே
சுட்டி டீவி பாக்கற வயசான்னு திட்ட ஆரம்பிச்சார்.
நானும் இதுதான் சாக்குன்னு, டேய் சுட்டி டீவி பாத்த தாத்தா  திட்டுவார்னு சொன்னேன்ல, சேனல மாத்துடான்னு அபி கையல இருந்த ரிமோட்ட புடுங்க, அவன் கத்த ஆரம்பிச்சதுல டென்சனான எங்கப்பா,
25 வயசு ஆச்சு இன்னும் பொறுப்புவரலை, #%#%3, #%#% அப்படின்னு திட்டிகிட்டு இருக்க....

அபி என்ன நெனைச்சானோ, ஒடனே அவங்க அம்மாகிட்ட ' அம்மா, எனக்கு எத்தன வயசுன்னு கேக்க, அவங்க 'பத்து வயசுடான்னு சொன்னாங்க.

இதெல்லாம் ஒத்த கன்னுல பாத்துகிட்டே விளையாடிட்டு இருந்த நிஷி வேகமா அவங்கஅம்மாகிட்ட ஓடி வந்து
'அம்மா, எனக்கு எத்தன வயசுன்னு கேக்க, அவங்களும் சாதரனமா உனக்கு 6 வயசுன்னு சொன்னவொடனே கீழபடுத்து பெறன்டுகிட்டு கத்துறான் கத்துறான் கத்திகிட்டே இருக்கான், ,
டேய்..ஏன்டா என்னடா ஆச்சுன்னா?
அபிக்கு மட்டும் 10 வயசு, எனக்கு மட்டும் 6 வயசுதானான்னு கத்துறான்.

டாய்..சின்ன வயசுல இந்தமாதிரியெல்லாம் ஐன்ஸ்டீன் கூட யோசிச்சிருக்கமாட்டாருடா சாமின்னு யோசிகிட்டே எங்கப்பாவ பாத்தா,

சின்ன பையன் என்னமா யோசிக்கிறான் நீயெல்லாம்.... இன்னும் என்னெல்லாம் யோசிச்சாரோ..நான் சுட்டி டிவில பிஸியாயிட்டேன்.

468x60 Ads

728x15 Ads

  © Blogger templates Shiny by Ourblogtemplates.com 2008

Back to TOP