இரயில்

இரயில் எனக்கொன்றும் புதிதல்ல. இரயில் ரோட்டிற்கும் எங்கள் வீட்டிற்கும் 100அடி தொலைவுதான், எனக்கு தெரியாமல் அதில் எந்த இரயிலும் போனதில்லை. ஆனாலும் நான் ஒருமுறை கூட இரயிலில் ஏறியதில்லை, ஏன் நின்றுகொன்டிருக்கும் இரயிலை கூட பார்த்ததில்லை. சிறுவயதிலிருந்தே இரயிலும் இரயில் சார்ந்த ஒரு ஆறாவது திணையுடன் தான் விளையாடிஇருக்கிறேன். இதில் போகும் எல்லா இரயிலும் ரொம்ப தூரம் செல்லும் என்றும், சிலர் டெல்லிக்கு செல்கிறதென்றும் சொல்ல கேட்டிருக்கிறேன். இரயில் பெட்டிகளை எண்ணுவது எங்களுக்குள் விளையாட்டு. சரக்கு இரயில் என்றால் சின்ன சின்ன பெட்டிகளாய் அதிகம் இருக்கும். பயணிகள் இரயில் என்றால் டாட்டா சொல்வதுன்டு. நமக்கு டாடா வைப்பதெற்கென்றெ படியில் நின்று செல்கிறார்கள் என்று எங்களுக்குள் சொல்லிக்கொள்வொம். இரயில் என்றாலே ஒரு கம்பீரம், அதை பற்றி பேசும்போது பெருமை பொங்கும்.

பள்ளி படிப்பு, கல்லூரி படிப்பு என எல்லாம் முடிந்து வேலை தேடும் படலம், கழுதை கெட்ட குட்டிசெவரு, நான் மட்டும் விதிவிலக்கா என்ன? சென்னை முதன் முதலாக இரயிலில் போகிறேன், இருபது வருடங்களாய் பார்த்து இரசித்த இரயில், வேலை தெடுவதையோ, சென்னை பற்றியோ இல்லாமல் இரயிலை பற்றியே என் நினைவு.
டிக்கெட் வாங்கி, ஜெனரல் கம்பார்ட்மென்டில் ஏறினால் அங்கே நிற்பதற்கு கூட இடமில்லாமல் கூட்டம், நெறிக்கியடித்து கழிவறை பக்கத்தில் நின்று கொண்டே சென்னை வந்தேன்.

இப்போது இரயிலை நினைத்தாலே கழிவறை நெடியடிக்கிறது.
அடுத்த வாரம் ஊருக்கு போகிறேன் பஸ்ஸில்.

அம்மாவிற்கு

ஏன்டா போன் பன்னவேயில்லை என்பதற்கு
ஆபிஸ்ல வேலைமா என்று மட்டுமே
பதிலாய் சொல்லியதில் இருந்து
ஆபிஸ்ல ரொம்ப வேலையா என்று மட்டுமே கேட்க‌
ஆரம்பித்த என் அம்மாவிற்கு ஒதுக்க முடியாத ஒரு ஐந்து நிமிடத்தை
தேடிக் கொண்டிருக்கிறேன் எங்கே தொலைத்தேன் என்று!

இது சம்பரதாயம்தான்

இது சம்பரதாயம்தான்.

எனக்கு எப்பவுமே பார்வேட் மெயிலே வராது. தப்பித்தவறி வர ஒன்னு இரண்டும் Spam mailஆ இருக்கும். (பல முறை அமுல்படுத்திய 1 மெயில் 1 ரூபாய் திட்டம் வொர்க்வுட் ஆகி, பேங்க் பேல்ன்ஸ் காலியான கதை வேறுவிஷயம்.(என்ன பேங்க் பேலன்ஸ் ஒரு நூறு இருநூறு ரூபா மாசத்தோட அஞ்சாம்தேதியன்னைக்கு இருக்கும். அத நாலாம்தேதியே காலியாவறது ஒரு பெரிய விஷயமா? ஏதோ பேங்க் திவாலான மாதிரி பேசறா?)

ஆனா இன்னைக்குன்னு பார்ததா ஒரே மெயிலா குவியுது. சொன்ன மாதிரியே எல்லாம் ஒரே மெயில்தான். "Wish you happy new year 2010" தினுசு தினுசா அனுப்பறாய்க. அப்ளிகேசன்ல கோடடிக்க சொன்னா கூகிள்ல தேடறது.ஆனா இதுக்கு மட்டும் அஞ்சாறு for loop, நாலஞ்சு if , இரண்டு மூனு while, மானே, தேனேன்னு போட்டு (இதையும் நெட்ல தான் சுட்டுறுப்பாங்களோ) சும்மா டெரரா வாழ்த்து அனுப்புறாங்க. Select * from tablename மட்டுமே தெரிஞ்ச பய எல்லாம் இரண்டு பக்கத்துக்கு SQL PROCEDURE ல வாழ்த்து அனுப்பறான். அதுல நடுவுல நடுவுல Insert, update, alter, revoke னு வேற போட்டு ஒரு பந்தா வேற‌.

நானும் அப்படியே யோசிச்சு பாக்கறேன். எப்படி இருந்தது இந்த 2009ன்னு.
2008 localization ப்ராஜெக்ட்ல இருந்தேன். டிசம்பர் 15ம் தேதி ரிலீஸ் முடிஞ்சு வேலையில்லாமா ஜாலியா ஆரம்பிச்சது 2009 நியு இயர்.
ஜனவரி 10, 15ம் வாக்குல ப்ராஜெக்ட் ஊத்தி மூடிட்டதா சொன்னாங்க. அப்படியே ஒரு இரண்டு மாசம் பென்ஞ்சுல இருந்தேன்.( அப்போதான் அதிகமா போஸ்ட் போட ஆரம்பிச்சேன். ஆபிஸ்லயும் ப்ளாக்கையே நோண்டிகிட்டு திரிஞ்சேன்.)
மார்ச் வாக்குல இப்போ இருக்கற ப்ராஜெக்டுக்கு வந்ததுல எல்லாமே மாறுச்சு. மேனேஜர், நன்பர்கள், ரூம்னு கிட்டத்தட்ட எல்லாமே மாறிடுச்சு. கண்மூடி திறந்துபாத்தா மறுபடியும் நியு இயர் வந்துருச்சு.

இந்த நியுஇயர் எப்பவுமே இப்படித்தான் வருஷத்துக்கு ஒரு தடவ வந்துகிட்டேதான் இருக்கு. நானும் அப்படியேதான் எப்பவும் போல சம்பரதாயமாக ஒரு பார்வேட் மெயில தட்டிவிட்டுட்டு வேற வேலைய பாக்க போயிடுறேன்.

இயந்திர வாழ்க்கையில் சிக்கி சுழலலும் கிராமத்து கிளியாகிவிட்டேன் நானும்.

புத்தாண்டு வாழ்த்துக்களுடன்

நவநீதன்

http://nascle.tk/