நளனுக்கு முன், பின் மற்றும் நடுவில்(ந.மு, ந.பி, ந.ந)

நமக்கு பொதுவா யாரும் கால் பண்ணமாட்டாங்க. தப்பி தவறி வந்ததுன்னா அது பில்லு கட்ட சொல்லி அழகான ஜப்பான்காரியாதான் இருக்கும்.(கஸ்டமர் கேர்னாலே அழகா இருப்பாங்க அப்படிங்கறதுதான் யுனிவர்சல் ரூல் ஆச்சே.) இந்தியா நம்பர். யாருடா புதுசா இருக்கேனு யோசிச்சிகிட்டே எடுத்து மொசி மொசி அப்படின்னேன்.(Japanese people will say "moshi  moshi" instead of hello when answering the phone.) சம்பந்தமேயில்லாம இது என்ன விளம்பரம். சரி விடுங்க. கம்மிங் டு த பாயிண்ட்.

ஹலோ..
நான் நளன் பேசறன்.
ம்..சொல்லுங்க.
எப்படிடா இருக்க?
என்னது டாவா? ஹலோ யாரு வேனும் உங்களுக்கு.
டாய் நான் நளன் பேசறேண்டா. தெரியலை?
எனக்கு நளன்னு யாரையும் தெரியாதுங்க. ராங் நம்பருங்க.
டேய் நான் செல்வா பேசறேண்டா.
எந்த செல்வா?
டேய், நான் பார்ட்னர் பேசறண்ட பார்ட்னர். (கொஞ்சம் கொழ்ப்பறமாதிரி இருந்த இந்த லைனை இரண்டு தடவ படிங்க. என்ன ஒரு வில்லத்தனம்.)
டேய் இதுக்கு முன்னால யாரு நளன்னு பேசுனாங்களே. யார்ரா உன் பிரண்டா?
நாந்தாண்டா பேசுனேன்.
எது நீயா? நளன் கிளன்னு சொன்னாங்க.
நாந்தாண்டா அது.

எது நீயா?
ஆமா செல்வ குமாருங்கற பேருக்கும் பிபாஷா பாஷுங்கற பேருக்கும் பேர் பொருத்தம் சரி இல்லன்னு ஜான் ஆப்ரகாம் என் கனவுல குடு குடுப்பைகாரன் மாதிரி வந்து சொன்னதுலருந்துதான். விடியகாலை கனவு பலிக்கும்கறதாலதான் பேர மாத்திகிட்டேன். இது ஐஸ்வர்யா ராய்க்கு கூட சந்தோஷம்தான். ரஜினிகூட வாழ்த்து சொன்னாரு.

என்னடா இது லாஜிக்கே இல்லாமா இருக்கேடா?. ஜப்பான்ல அனு உலை வெடிச்சதுக்கு சென்னைல ஆசிட் மழைபெய்யும் சொன்ன மாதிரில்லடா இருக்கு.

பழமொழி சொன்னா அனுபவிக்கனும் ஆராயாகூடாதுன்னு ஆர்யா( ஒரு ஃப்லோகாக கமல், ஆர்யாவாக) சொன்ன மாதிரி பேரை மாத்திகிட்டேன்.

எது பழமொழியா? பேரை மாத்தனுக்கும் இதுக்கும் என்னடா சம்பந்தம்? சரி விடு. இப்ப இனிமே நளன்னே கூப்பிடுறேன். ஆமா பெயர் சூட்டுவிழா(உன்னையவே மொதல்ல சுட்டு தள்ளனும்.) எல்லாம் இல்லையா?

இருக்கு நாளைக்கு தீவுத்திடல்ல. எழுத்தாளர்கள், பிளாக்கர்ஸ், சாரு, ஜெயமோகன், யுகபாரதி, எஸ்.இராமகிருஷ்ணன் எல்லாம் வராங்க.

ஆஹா இப்பதாண்டா தெரியுது நீ ஏன் பேர் மாத்துனன்னு.

Moral of the Story(MOS): 
எது? என்ன கதையா சொல்லிகிட்டு இருக்கேன். இப்பஎல்லாம் FWD மெசெஜ்லயும் MOSகேக்கறாங்க, இன்பர்மேஷன் குடுத்தாலும் MOS கேக்குறாங்க. ட்ரெண்ட் அப்படி. சரி விடுங்க நாம ஏன் அதெல்லாம் மாத்திகிட்டு. அப்புறம் கலாச்சாரத்த மதிக்கல அப்படி இப்படின்னு இந்த அரசியல்வாதிங்க எதுனா தீர்மானம் அது இதுன்னு... சரி விடுங்க அத.

அன்பார்ந்த நண்பர் நண்பர்களே, தோழர் தோழிகளே, தம்பி, தங்கைகளே, அண்ணன் அக்காக்களே, காதலன் காதலிகளே, பாட்டன்களே, முப்பாட்டன், கொள்ளுபாட்டன் பாட்டிகளே, போன வாரம் பூமிக்கு வந்த சின்ன கஜா உட்பட எல்லோருக்கும் வணக்கும்.

இதனால பாகல்பட்டில இருக்கற சுத்துபட்டில இருக்குற ஒரு நாலு பேரு, மஹெந்திர காலெஜ்ல படிச்சவங்க, குமரன் சில்க்ஸ் ஸாரி சிஸ்டத்துல இருந்தவங்க, டாஸ்மாக்ல சேர்ந்து குடிச்சவங்க, காக்னிசண்ட்ல இருக்குறவங்க, பீச்சுல சுண்டல் விக்கறவங்க (பல நூல் வெளியீட்டுவிழா அங்கதான நடக்குது), orkut, facebook ல பேருக்கு ப்ரண்ட் லிஸ்ல இருக்கறவங்க, உயிர் நண்பருங்க, கடன்காரங்க, சொந்தகாரங்க, (கடன் குடுத்தவங்க நல்ல நோட் பன்னிகோங்கப்பா) சேலத்துல இருக்கும் தோழர்கள், அப்பறம் பூனாலயும் சைனாலயும் இருக்கும் மக்கள், சைதைல இருக்கும் நண்பர்கள், ஒபாம மற்றும் ஒசாம உட்பட எல்லோருக்கும் தெரிவிக்கறது என்னன்னா....

செல்வகுமார் என்றழைக்கப்பட்ட நமது பார்டனர் இனிமேல் நளன் என்று தனது பெயரை மாற்றிவிட்டதாக அதிகாரபூர்வமாக அறிவித்துள்ளார்.
(பேர் சொல்லி கூப்படாம பல கெட்ட வார்த்தைகளை கொண்டு நீங்கள் கூப்பிட்ருக்கும் பட்சத்தில் இந்த பெயர் மாற்றம் உங்களை பாதிக்காது. எந்த மாற்றமும் இல்லாமல் அதே கெட்ட வார்த்தை(களை) தொடர்ந்து பயன்படுத்தலாம். Backward compatability Till EOL.)

அன்புடன்
மனுநீதி சோழன்( நானும் பேர் மாத்திகிட்டேன்.)
(Ex.நவநீதன்)